Seeltersk in dän Bäidenstuuns U s IiYyGyh g f шys
In Seelterlound sunt in alle fjauer Täärpe touhoope fieuw Bäidenstuune, wier do Bäidene mäd Seeltersk-Unnergjucht truch Fräiwillige fersuurged wäide.
Inhooldsferteeknis
- 1 Seeltersk in dän Bäidenstuun
- 2 Projekt foar moor Seeltersk in dän Bäidenstuun
- 3 Sjuch uk
- 4 Ferbiendengen
Seeltersk in dän Bäidenstuun[Beoarbaidje | Quelltext bearbeiten]
Häärst 1995 wuud ap Initiative fon dän Seelter Buund ounfangd mäd dät Projekt “Saterfriesisch im Kindergarten”, wieroun eerenamtelke Meegliedere fon dän Fereen mäd do Koastersken touhoope-oarbaideden. Ju Idee foont grooten Biefal bie do Oolden un so äntstuuden in älke Bäidenstuun moorere Projektgruppen, do der ätter dät Oaler strukturierd wieren. In älke Täärp noomen sowät 30 Bäidene deeran deel.
Ätter tjoon Jiere wuud deeruur dät litje Bouk Die jungen Saterfriesen : eine Reise durch das Jahr ; 10 Jahre Saterfriesisch im Kindergarten, (Ramsloh : Kindergarten St. Jakobus, 2009) hääruutroat. Dät änthaalt Texte un Läidere ap Seeltersk fon Heinz Immer, ju Seeltersk-OG, G. Lechte-Siemer, Wilhelmine Espeter, Johann Janssen, Dr. Marron Fort, Fikoar Schulte, Johanna Evers, aal mäd düütske Uursättenge fon Hannah Münzebrock. Deer heert uk n CD tou.
- Bie ju Projektgruppe fon dän "St. Jakobus-Bäidenstuun" in Roomelse wierkje Wilhelmine Espeter, Elisabeth Immer, Maria Hüntling un Renate Brinkmann mee.
- In dän Bäidenstuun "Pusteblume" in Roomelse kriege do Bäidene Unnergjucht fon Agnes Rieger.
- Bie dän Bäidenstuun "St. Georg" in Strukelje moakje dät Mechthild Kruse un Marianne Pahl.
- Bie dän Bäidenstuun "Unterm Regenbogen" in Skäddel unnergjuchte Adelheid Pörschke, Regina Thoben, Stephanie Klären un Anita Tellmann do Bäidene fon ju Projektgruppe.
- Bie dän Bäidenstuun "St. Marien" in Seedelsbierich häd ju Projektgruppe Unnergjucht fon Marianne Klären, Thekla Laing und Eta Hellmers.
Al mädnunner moakje so'n 140 Bäidene (2011) bie ju Projektgruppen mee. Do Unnergjuchtere oarbaidje uk däälich noch eerenamtelk.
Projekt foar moor Seeltersk in dän Bäidenstuun[Beoarbaidje | Quelltext bearbeiten]
Ieuwenske dät näie Projekt foar moor Seeltersk in do Skoulen skäl där uk n näi Projekt foar moor Seeltersk in dän Bäidenstuun reeke. Deerfoar mouten do "Erzieher" säärm noch Seeltersk leere. Der hääbe sik al njuugen "Erzieher" fon do fieuw Bäidentuune in Seelterlound ounmälded. Kiek uk hier: Unnergjuchtere leere Seeltersk (Nordwest Zeitung)
Sjuch uk[Beoarbaidje | Quelltext bearbeiten]
- Twosproakegaid (Apluukenge)
- Tjosproakigen Unnergjucht
- Seeltersk an do Skoulen
Ferbiendengen[Beoarbaidje | Quelltext bearbeiten]
- Fideo: Seeltersk in dän Bäidenstuun (NWZ-TV)
- Tou ju Begröitenge n Lied ap Seeltersk (NWZ)
- Sprachprojekt: Die Kosten für zwei Jahre stehen (GA)
- Loundesbibliothek Ooldenbuurich.
- Begjucht in ju Nordwest-Zeitung, 2009
- Saterfriesisch in Kindergärten und Schulen
- Die kleinen Saterfriesen
- Fideo Seeltersk ap RTL Bremen
