Огнев Леонид Степанович♦s215♦ng eCcCTxta
| Огнев Леонид Степанович | |
| Чужан лун: |
1932-ӧд вося косму 17-ӧд лун |
|---|---|
| Чужанін: |
|
| Кулан кад: |
1991-ӧд вося ода-кора 3-ӧд лун[1][2] (59 арӧс) |
| Канму: |
|
| Мыйся уджыс: |
журналист, прозаик |
Шаблон:Серпасыс абу
Огнев Леонид Степанович (1932—1991) — коми гижысь, журналист. Сиктса ногӧн — Питирак Вань Степ Лёнь.
Содержание
- 1 Олан туй
- 2 Гижан удж
- 3 Небӧгъяс
- 4 Ӧшмӧсъяс
- 5 Ыстӧдъяс
Олан туй[веськӧдны | править код]
Леонид Огнев чужӧма 1932 вося косму тӧлысь 17 лунӧ Айкатыла сикт овмӧдчӧмин улӧ пырысь Батурорд грездын. 1952 воын Педучилишӧ помалӧм бӧрын сэні жӧ во уджалӧма серпасасьны велӧдысьӧн. Сэсся уджысь орӧдчытӧг велӧдчӧма Коми канмуса педагогика институтысь физика-математика пакультетын. Помалӧм бӧрас велӧдӧма Изьва районса Кельчиюр сиктын математика. 1968 воын вуджӧма семьянас овны чужан Емдін районас да кызь во зільӧма «Вперёд» районса газетын.
Кулӧма 1991 вося ода-кора тӧлысь 3 лунӧ лёк пыкӧсысь.
Гижан удж[веськӧдны | править код]
Шмонитана висьтъяс босьтчӧма гижны Кельчиюрса школаын уджалігӧн. Тайӧ кадся олӧмсӧ серпасалӧма «Сиктса велӧдысь» повесьтын. Кык небӧг йӧзӧдӧм бӧрын заводитӧма журналиставны.
Леонид Огнёв гижӧма уна висьт, фельетон, мойд да кывбур. Йӧзӧдчӧма «Войвыв кодзув» да «Чушканзі» журналъясын, «Югыд туй» да «Красное знамя» газетъясын. Сылӧн петӧма «Татчӧ быдмасны дзоридзьяс» (1960), «Нюм» (1967), «Пӧсь кӧлӧбъяс» (1994) небӧгъяс, висьтъяссӧ йӧзӧдӧмаӧсь и сборникъясын.
Тшӧкыда гижлӧма ёсь гижӧдъяс да фельетонъяс пӧръясьысь вузасьысьяс, дышъяс да бюрократъяс йылысь. «Менам олöм – менам гаж. Моя жизнь – моя радость» небӧгӧ пырӧма 19 фельетон, на лыдын аслыспӧлӧсӧн лоӧ «Люксуй, привет».
«Я ли не работал» комедия-драмаын кыпӧдӧма юысь йӧзлӧн семьяын йитӧд йылысь.
2017 воын гижысьлӧн ичӧтджык вокыс, Вячеслав Огнев, дасьтӧма Л.С. Огнев гижӧдъяса «Менам олӧм — менам гаж. Моя жизнь — моя радость» небӧг, кытчӧ пыртӧма 100 сайӧ гижӧд. Сэтчӧ чукӧртӧма повесьтъясыс, висьтъясыс, пьесаясыс, статьяяс, кывбуръяс, юморескаяс, фельетонъяс комиӧн да рочӧн, мый вӧлі йӧзӧдӧма бӧръя 40 во чӧжыс сборникъясын, журналъясын да газетъясын. Содтӧма небӧгас и йӧзӧдтӧм уджъяс да отзывъяс, казьтылӧмъяс, дневникысь пасйӧдъяс, карикатураяс, гортса аркивысь снимокъяс.
Небӧгъяс[веськӧдны | править код]
- Огнев Л.С. Татчӧ быдмасны дзоридзьяс: повесьт. — Сыктывкар: Коми книжнӧй издательство, 1960. — 64 л.б.
- Огнев Л.С. Нюм: висьтъяс. — Сыктывкар: Коми книжнӧй издательство, 1967. — 48 л.б.
- Огнев Л.С. Пӧсь кӧлӧбъяс: теш, гаж, серам. — Сыктывкар: Коми книжнӧй издательство, 1994. — 68 л.б.
- Огнев Л.С. Менам олӧм — менам гаж. Моя жизнь — моя радость. Повесьтъяс, пьесаяс, висьтъяс, фельетонъяс, статьяяс, мойдъяс, кывбуръяс, казьтылӧмъяс / [Лӧсьӧдic Огнев В.С.]. — Сыктывкар, 2017. — 528 л.б. (комиӧн и рочӧн)
Ӧшмӧсъяс[веськӧдны | править код]
- Календарь знаменательных и памятных дат Республики Коми на 2002 год. — Сыктывкар, 2001. — С. 17—18.
- FU-lab сайтын Л.С. Огневлӧн гижӧдъяс йылысь
- Коми республикаса национальнӧй небӧгаин
- Сьöкыд здукö горöдліс сьывны // «Комиинформ» юӧр сетан агентство (2012.04.26 лун, комиӧн)
Ыстӧдъяс[веськӧдны | править код]
- ↑ http://history.syktnet.ru/04/1901_2000/1991/1991_05.html
- ↑ https://komiinform.ru/news/88876/
