ويليام ويلكوكسhuriv Mmyt Ii8
السير ويليام ويلكوكس (بالانجليزى:William Willcocks) ( اتولد: 27 سبتمبر 1852 ، الهند - مات : 28 يوليه 1932 ، القاهره) كان مهندس مدنى بريطانى عمل مشاريع كبيره للرى فى جنوب افريقيا و توركيا و العراق. ويلكوكس عمل مشاريع ضخمه للرى فى مصر اهمها سد اسوان و كان هو اول واحد يقترح على الحكومه المصريه انشاء سد فى اسوان و كمان من انجازاته التانيه مشروع قناطر اسيوط.
اللغه المصريه الحديثه[تعديل]
ويلكوكس قضى معظم حياته فى مشاريع الرى و الهندسه المدنيه ، و برغم كده الفتره اللى قضاها فى مصر خلته يلاحظ وجود حاله من الاذدواجيه اللغويه (ديجلوسيا).ابتدا يهتم بدراسة الحاله اللغويه فى مصر و وصل لدعوة المصريين للكتابه باللغه المصريه الحديثه و نشر دعوته دى من اول سنة 1893 فى مجلة الازهار. فى العدد بتاع شهر يناير من نفس السنه نشر مقاله باسم (لما لم توجد قوة الاختراع لدى المصريين الان؟) و فسر غياب قدرة المصريين المعاصرين على الاختراع و الابتكار بانهم بيفكرو و بيتكلمو بلغه و بيكتبو بلغه تانيه خالص. المقاله دى سببت جدل كبير جدا بين المثقفين المصريين فى الوقت دا و لسه لحد دلوقتى بيتشار ليها كل ما يتفتح موضوع العلاقه بين اللغه المصريه الحديثه و العربى القياسى الحديث. عشان يثبت وجهة نظره ، ويليام كوكس ترجم الانجيل (العهد الجديد) و كذا مسرحيه من مسرحيات ويليام شيكسبير للغه المصريه.
رد الفعل[تعديل]
اغلب المثقفين المصريين قاومو افكاره بعنف و استمرو يبعتو مقالاتهم لمجلة الازهار مكتوبه باللغه العربيه الكلاسيكيه لحد ما اضطر ويلكوكس انه يقفلها فى اكتوبر 1893. عبد الله النديم كان من الوطنيين المصريين اللى بيكتبو بالمصرى لكن رغم كدا هاجم ويلكوكس هجوم جامد، و يمكن السبب الحقيقى لرفض الطبقه المثقفه المصريه لاقتراحات ويلكوكس هو انه كان بريطانى الجنسيه و مصر كانت محتله من بريطانيا فى الوقت دا و عشان كدا المثقفين اعتبرو ان رفض افكار ويلكوكس جزء من مقاومة الاستعمار.
مصادر[تعديل]
- A War of Words, Language and conflict in the Middle East,Yasir Suleiman, Cambridge University Press (2004).
لا يوجد لغة مصرية اللغة عربية و اللهجة مصريه فبلاش فذلكة على الفاضي
