Otqcxvi

Elisabetta Canalis (2010)

Elisabetta Canalis (Sassari, 12 ta' Settembru 1978) hija mudella u attriċi Taljana.

Bijografija[immodifika | immodifika s-sors]

Imwielda f'Sassari, ġewwa Sardinja, hi attendiet il-Liċeo D. A. Azuni ta' Sassari, u wara ttrasferixxiet Milan sabiex inkitbet fil-kors għad-diploma fil-Lingwi u Letteratura Barranija tal-Università Statali. Ipparteċipat f'diversi selezzjonijiet għall-għażla tal-atturi, fejn fost dawn insibu għall-film Il pesce innamorato ta' Leonardo Pieraccioni. Fl-1999, barra mill-parteċipazzjoni fit-Telegatti u pubbliċità għall-karamelli M&M's, ġiet magħżulha bħala velina għat-trażmissjoni Striscia la notizia flimkien ma' Maddalena Corvaglia, rwol li baqgħet isservi sal-2002.

Wara s-suċċess kbir tal-kalendarju 2003 għar-rivista Max, ipparteċipat fil-konduzzjoni ta' żewġ edizzjonijiet tal-programm sportiv Controcampo, fuq l-istazzjon Italia 1. Kellha sehem fit-tielet u r-raba' edizzjoni tas-serje Carabinieri.

Fl-2003, flimkien ma' Federica Fontana, ipparteċipat fil-programm komiku Ciro presenta Visitors, u sena wara f'Super Ciro, dejjem fuq Italia 1. Fl-2004, kienet protagonista tal-vidjo mużikali tal-kanzunetta ta' Biagio Antonacci, Convivendo. Sena wara, kienet protagonista, flimkien ma' Fabio De Luigi, tat-tieni staġun tas-sitcom Love Bugs, b'direzzjoni ta' Marco Limberti.

Suċċessivament, marret l-Istati Uniti biex tipparteċipa f'korsijiet tad-drama u tal-lingwa Ingliża. Dehret ukoll f'żewġ films: Deuce Bigalow: European Gigolo ta' Mike Bigelow, u Decameron Pie ta' David Leland, imma f'dawn iż-żewġ okkażjonijiet għamlet ftit aktar minn dehra waħda.

Fl-2005, ikkonduċiet għal ġimgħa l-programm Striscia la Notizia flimkien mal-eks-kollega tagħha Maddalena Corvaglia. Fl-2006, ħadet sehem fil-film Natale a New York, ta' Neri Parenti, fejn interpretat it-tifla ta' Christian De Sica.

Irritornat mal-kumpanija ta' Sandro Piccinini f'Controcampo Ultimo Minuto fil-bidu tal-istaġun 2006–07. Fl-2007 kienet ospiti fissa fil-programm tal-Gialappa's Band Mai dire Martedì, fejn assistiet fil-konduzzjoni lil Mago Forest. Barra minn hekk ippreżentat il-Festivalbar flimkien ma' Giulio Golia u Enrico Silvestrin.

Televiżjoni[immodifika | immodifika s-sors]

• Striscia La Notizia (1999–2002)
• Controcampo (2002–2007)
• Stelle a quattro zampe (2002)
• Ciro presenta Visitors (2003)
• Superciro (2004)
• Mai dire Martedì (2007)
• Festivalbar (2007)
• Buona la prima (2007)
• Trofeo Birra Moretti (2008)
• Artù (2008)
• Total Request Live (2009)

Filmografija[immodifika | immodifika s-sors]

Serje[immodifika | immodifika s-sors]

• Carabinieri (2004–2005)
• Love Bugs (2005)
• Medici miei (2008)
• Fratelli Benvenuti (2010)
• Leverage (2010)

Ċinema[immodifika | immodifika s-sors]

• Deuce Bigelow 2 - European Gigolo (2005)
• Natale a New York (2006)
• Decameron Pie (2007)
• A Natale mi sposo (2010)

Ħoloq esterni[immodifika | immodifika s-sors]

Wikimedia Commons għandha fajls multimedjali li għandhom x'jaqsmu ma': Elisabetta Canalis

• Sit uffiċjali
• Elisabetta Canalis fuq Internet Movie Database
• Elisabetta Canalis fuq AskMen.com