ازمة عيش المنيا 2011 wi34mrf V Ztd elerr y N r0k Ee %%i ia
ازمة عيش المنيا سنة 2011 هى أزمة عيش حصلت فى مدينة المنيا فى صعيد مصر فى بدايات شهر مارس 2011 بعد ما حصل نقص فى العيش. فى 4 مارس 2011 خرج اهالى قرية صفط اللبن التابعه لمركز المنيا و راحوا على الطريق الزراعى مصر - اسوان و سدوه و منعوا العربيات انها تعدى فيه كإحتجاج على نقص العيش و مطالبتهم بتزويد القريه بكميات اكبر من العيش ، و نددوا بمواعيد وصول العيش اللى بيتخبز فى افران مدينة المنيا بعد ما نقص المحافظ شوال من كل فرن فى كل القرى نتيجه لمواجهة نقص القمح فى مصر و ارتفاع تمنه بعد احداث ثورة مصر سنة 2011 حيث مبقاش فاضل منه فى الشون غير كميه متكفيش غير شهرين. بطبيعة الحال قلة العيش بسبب شح القمح حاتتسبب فى ارتفاع انواع الاكل التانيه و كمقدمه ارتفعت اسعار الفراخ و البيض فى مصر.
متظاهرين العيش اللى لسه مش دريانين بنقص القمح فى مصر رددوا هتافات ضد محافظ المنيا و طالبوا بإستقالته و قالوا انه كمان بيخدعهم بوظايف وهميه متموله من صندوق الخدمات. حاولت قوات الامن إنها تفتح الطريق لكن الأهالى اتصدوا للمحاولات بقوه. بتعتبر المظاهرات دى اول علامات حصول ازمة عيش كبيره فى مصر كتابع من توابع أحداث الهيجان الثورى اللى حصل فى مصر و سقوط نظام حسنى مبارك فى فبراير 2001 و حصول خلخله اقتصاديه كبيره حايظهر اثرها فى غضون شهور.
لينكات برانيه و مصادر[تعديل]
- 3 الاف يقطعون الطريق اعتراضا على أزمة "العيش" بالمنيا...
- طنطاوى يحذر من نقص مخزون القمح و عدم الوفاء بمرتبات الموظفين ...
- ارتفاع اسعار الدواجن البيضاء والمجمدة...
- الغرفة التجارية: المخابز شهدت زحاماً لم يتكرر منذ 10 سنوات...
